Contamos nas Comarcas con tres concellos libres de afectados, é o caso de Agolada, Dozón e Palas de Rei
IsmaelRS/Xeral
VENRES 12 AGOSTO
Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 12 de agosto, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Contamos nas Comarcas con tres concellos libres de afectados, é o caso de Agolada, Dozón e Palas de Rei.
Na comarca arzuá tal e como informa o Sergas, todos os municipios teñen casos activos de covid. Arzúa, Boimorto, O Pino e Touro sitúanse nunha escala entre 1 e 9 casos activos, dende fai varias semanas.
Na comarca dezá contamos con dous concellos libres de afectados, é o caso de Agolada e Dozón. Pola súa parte Lalín, Rodeiro, Silleda e Vila de Cruces sitúanse nunha escala entre 1 e 9 casos activos, dende fai varios días.
Na comarca Terra de Melide todos os concellos teñen afectados. Melide, Santiso, Sobrado dos Monxes e Toques sitúanse nunha escala entre 1 e 9 casos activos, dende fai varios días.
Por último, na comarca da Ulloa só temos un único concello libre de afectados, é o caso de Palas de Rei. Pola súa parte Antas de Ulla e Monterroso sitúanse nunha escala entre 1 e 9 casos activos, dende fai varias semanas.
ความคิดเห็น