Contamos con nove municipios libres de covid: Arzúa, Boimorto, Dozón, O Pino, Palas de Rei, Rodeiro, Santiso, Touro e Toques. Hoxe súmase a esta lista o municipio de Palas de Rei. Todos os municipios das comarcas están no nivel medio-baixo.
IsmaelRS/Xeral
MARTES, 28 SETEMBRO
Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 28 de setembro, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Contamos con nove municipios libres de covid: Arzúa, Boimorto, Dozón,O Pino, Palas de Rei, Rodeiro, Santiso, Touro e Toques. Todos os municipios das comarcas están en nivel medio-baixo.
COMARCA LIBRE DE COVID / Na comarca arzuana tal e como informa o Sergas, todos os municipio están libres de covid: Arzúa, Boimorto, O Pino e Touro, dende antonte únense a esta lista os municipios de Arzúa e O Pino.
Na comarca dezana contamos con dous municipios libre de casos Covid, é o caso de Dozón e Rodeiro. Agolada segue con 1 caso activo tal como informou o concello onte pola mañá, pola súa parte Lalín, Silleda e Vila de Cruces están nunha escala entre 1-9 afectados dende fai varios días.
Na comarca Terra de Melide hai dous municipios libres de casos: Santiso e Toques. Melide e Sobrado dos Monxes están nunha escala entre 1 a 9 contaxios dende fai varias xornadas.
Por último, na comarca da Ulloa contamos con un único municipio libre de covid: Palas de Rei. Pola súa parte Antas de Ulla e Monterroso segundo a incidencia acumulada a 14 xornadas atópase nunha escala entre 1 e 9 afectados.
Fonte: Ecos da Comarca
Este gráfico fai referencia aos datos de contaxios segundo a incidencia acumulada a 14 días e no caso de Agolada son casos activos
Limitacións por municipios O comité clínico que asesora á Xunta de Galicia na xestión da pandemia provocada pola Covid-19, acordou:
Nivel medio serán de obrigado cumprimento nos municipios de Foz e O Barco de Valdeorras.
Os restantes concellos galegos permanecerán no nivel medio-baixo.
Коментари