Todos os concellos das comarcas teñen casos activos de covid
IsmaelRS/Xeral
MARTES 15 MARZO
Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 15 de marzo, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Todos os concellos das comarcas teñen casos activos de covid.
Na comarca arzuá tal e como informa o Sergas, todos os municipios teñen casos activos de covid. Arzúa ten 37 casos activos, un menos que fai 24 horas. Boimorto e Touro sitúanse nunha escala entre 1 e 9 casos activos, os mesmos que fai 24 horas. O Pino ten 32 casos, cinco máis que onte.
Na comarca dezá tódolos municipios contan con casos de Covid. Agolada, Dozón, Rodeiro sitúanse dende fai varios días nunha escala entre 1 e 9 casos activos. Lalín conta con 184 afectados, sete menos que na xornada de onte. Silleda conta con 69 casos activos, un máis que onte. Pola súa parte Vila de Cruces sitúase con 27 casos activos, dous máis que fai 24 horas.
Na comarca Terra de Melide todos os municipios contan con casos activos. Melide sitúase con 52 casos activos, un menos que na xornada de onte. Santiso, Sobrado dos Monxes e Toques sitúanse nunha escala entre 1 e 9 casos activos.
Por último, na comarca da Ulloa todos os municipios contan con casos de covid. Monterroso e Palas de Rei sitúanse nunha escala entre 1 e 9 casos. Pola súa parte Antas de Ulla sitúase con 12 casos activos, os mesmos que onte.
Comments