Todos os concellos das comarcas teñen casos activos de covid
IsmaelRS/Xeral
MARTES 10 MAIO
Comezamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 10 de maio, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Todos os concellos das comarcas teñen casos activos de covid.
Na comarca arzuá tal e como informa o Sergas, todos os municipios teñen casos activos de covid. Arzúa conta con 23 casos activos, un máis que fai 24 horas. Boimorto sitúase nunha escala entre 1 e 9 casos activos. O Pino sitúase con 13 casos activos, tres menos que onte. Pola súa parte Touro conta con 10 casos activos, un menos que fai 24 horas.
Na comarca dezá tódolos municipios contan con casos de Covid. Agolada, Dozón, Rodeiro e Vila de Cruces sitúanse nunha escala entre 1 e 9 casos activos. Lalín conta con 54 afectados, os mesmos que fai 24 horas. Pola súa parte Silleda conta con 18 casos activos, dous menos que onte.
Na comarca Terra de Melide todos os municipios contan con casos activos. Santiso e Toques sitúanse nunha escala entre 1 e 9 casos activos. Melide sitúase con 37 casos activos, dous menos que onte. Pola súa parte Sobrado dos Monxes conta con 14 casos activos, tres máis que fai 24 horas.
Por último, na comarca da Ulloa todos os municipios contan con casos de covid. Antas de Ulla sitúase con 17 casos activos, dous menos que onte. Monterroso sitúase con 10 casos activos, dous menos que fai 24 horas. Pola súa parte Palas de Rei conta con 18 casos activos, seis menos que onte.
Comments