Contamos nas Comarcas con sete concellos libres de afectados, é o caso de Boimorto, Dozón, Monterroso, O Pino, Sobrado dos Monxes, Rodeiro e Toques
IsmaelRS/Xeral
MÉRCORES 26 OUTUBRO
Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 26 de setembro, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Contamos nas Comarcas con sete concellos libres de afectados, é o caso de Boimorto, Dozón, Monterroso, O Pino, Sobrado dos Monxes e Rodeiro e Toques.
Na comarca arzuá tal e como informa o Sergas, contamos con dous concellos libres de casos, é o caso de Boimorto e O Pino. Pola súa parte Arzúa e Touro sitúanse nunha escala entre 1 e 9 casos activos, dende fai varias xornadas.
Na comarca dezá, contamos con dous concellos libres de casos, é o caso de Dozón e Rodeiro. Pola súa parte Agolada, Lalín, Silleda e Vila de Cruces sitúanse nunha escala entre 1 e 9 casos activos, dende fai varios días.
Na comarca Terra de Melide, contamos con dous concellos libres de casos, é o caso de Sobrado dos Monxes e Toques. Pola súa parte Melide e Santiso sitúanse nunha escala entre 1 e 9 casos activos, dende fai varias xornadas.
Por último, na comarca da Ulloa, só contamos cun concello libre de casos, é o caso de Monterroso. Pola súa parte Antas de Ulla e Palas de Rei sitúanse nunha escala entre 1 e 9 casos activos.
Comments