Todos os concellos das comarcas teñen casos activos de covid
IsmaelRS/Xeral
DOMINGO12 DECEMBRO
Continuamos a semana informando dos casos de coronavirus nos municipios das comarcas de Arzúa, Deza, Terra de Melide e A Ulloa, segundo a información proporcionada hoxe, 12 de decembro, polo Servicio Galego de Saúde (Sergas) ou nalgúns casos por fontes municipais, pero hai que ter en conta que o número pode mudar en calquera momento. Todos os concellos das comarcas teñen casos activos de covid.
Na comarca arzuá tal e como informa o Sergas, todos os municipios teñen casos activos de covid. Boimorto, O Pino e Touro sitúanse nunha escala entre 1 e 9 afectados, dende fai varios días. Pola súa parte Arzúa, sitúase con 15 casos activos, dous máis que na xornada de onte.
Na comarca dezá tódolos municipios contan con casos de Covid. Dozón, Rodeiro e Vila de Cruces sitúanse nunha escala entre 1 e 9 afectados, dende fai varios días. Agolada ten tres positivos, os mesmos que na xornada de onte, segundo confirmou o concello onte pola mañá. Silleda conta con 18 casos activos, un máis que fai 24 horas. Pola súa parte Lalín sitúase con 32 afectados, un máis que na xornada de onte.
Na comarca Terra de Melide todos os municipios contan con casos activos. Santiso, Sobrado dos Monxes e Toques sitúanse nunha escala entre 1 e 9 afectados, dende fai varios días. Pola súa parte o municipio de Melide, sitúase con 14 casos activos, dous máis que na xornada de onte.
Por último, na comarca da Ulloa todos os municipios contan con casos de covid. Antas de Ulla, Monterroso e Palas de Rei sitúanse nunha escala entre 1 e 9 afectados, dende fai varios días.
Comments