Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Dúas persoas perden a vida tras sendos accidentes de tráfico no municipio de Sobrado dos Monxes

Ambos foron saídas de vía e unha tivo lugar en Grixalba e a outra en Cumbraos


Autor: Ecos da Comarca

Laura Moure/Sobrado

Este foi un sábado tráxico para o municipio de Sobrado dos Monxes no que en cuestións de horas faleceron dúas persoas tras sufrir sendos accidentes de tráfico.


Un home perdeu a vida na noite de onte despois de saírse da vía co seu turismo cando circulaba pola estrada que une as localidades de Teixeiro e Sobrado, na Coruña. Trátase do segundo accidente mortal no mesmo concello nas últimas 24 horas. O primeiro tivo lugar na EP-8005 moi preto das seis horas da pasada tarde. Neste caso, faleceu o copiloto, mentres que o condutor saíu polo seu propio pé.


No segundo sinistro, o equipo de urxencias sanitarias chamou ao 112 Galicia ao fío das 22:00 horas para informar dun accidente na parroquia de Cumbraos. Durante a comunicación cos xestores do 112, informaron que o vehículo sufriu unha saída de vía e o condutor, e único ocupante do vehículo, podía estar falecido. Ademais dos profesionais de Urxencias Sanitarias de Galicia-061, ata o lugar desprazáronse os membros do GES de Curtis e os axentes da Garda Civil de Tráfico. Desafortunadamente, os equipos de intervención só puideron confirmar o seu falecemento.

454 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE