Dúas persoas feridas tras unha colisión entre dous vehículos en Lalín

O suceso ocorreu esta mañá no cruce das rúas do Areal e Penatoares

Ecos da Comarca/Lalín

Esta mañá produciuse un accidente de tráfico en Lalín no que se viron implicados dous vehículos. O Centro Integrado Atención Emerxencias (CIAE) 112 Galicia foi alertado ás 9:16 horas.

O accidente desta mañá en Lalín. Autor: Emerxencias Lalín.

Tal e como informa o 112 foi unha colisión entre dous turismos no cruce da rúa do Areal e Penatoares. Como consecuencia do impacto, dúas persoas precisaron asistencia sanitaria.

Ao lugar desprazáronse a Policía Local, o GES de Lalín e Urxencias Sanitarias.