Dúas persoas feridas nunha colisión entre dous vehículos en Artoño, Agolada

Ecos da Comarca/Agolada

Este domingo rexistrouse un accidente de tráfico no municipio de Agolada. No mesmo víronse involucrados dous vehículos e saldouse con dúas persoas feridas.

Publicidade

Preme na imaxe para obter máis información do evento.

O suceso ocorreu na parroquia de Artoño, na coñecida como estrada "vella" que comunica coa estrada de Brántega, no lugar de Ramil de Artoño. Tratouse dunha colisión frontolateral entre un coche e unha camión pequeno nunha curva.

O accidente de hoxe. Autor: Ecos da Comarca.

O 112 Galicia foi alertado ás 14:50 horas polo sistema eCall dun dos vehículos, que é o sistema que automaticamente avisa ao 112 tras un accidente. "Nesa chamada non obtivemos información polo que alertamos a Urxencias Sanitarias e aos Bombeiros de Deza", sinala o 112.

Publicidade    

Preme na imaxe se queres contactar connosco.

Unha vez no lugar os Bombeiros non tiveron que actuar. "O accidente saldouse con dúas persoas feridas leves, as que viaxaban no coche, que foron trasladadas por un particular", indica o 112. Ata o lugar tamén se desprazou a Garda Civil de Tráfico, que dúas horas despois continuaba no lugar.