Dúas menores e a súa nai foron trasladadas con síntomas de intoxicación por monóxido en Monterroso
- ecosdacomarca
- 1 dic 2023
- 1 Min. de lectura
Ecos da Comarca/Monterroso
Tres integrantes dunha familia, a nai e dúas menores, foron evacuadas esta madrugada con síntomas de intoxicación por monóxido de carbono provocadas por unha mala combustión da caldeira que se atopaba na cociña da vivenda situada na Rúa Nova, na parroquia de Esporiz, Monterroso, Lugo.
Pasados dez minutos das 2:00 horas, informouse ao 112 Galicia desde Urxencias Sanitarias de Galicia-061 dun posible escape de gas nun domicilio. Engadía no seu relato, que unha nai e dúas fillas menores de idade tiñan síntomas de intoxicación por inhalación de monóxido.
Publicidade
De inmediato, os xestores do Centro Integrado de Atención ás Emerxencias-112 Galicia, puxeron en alerta aos Bombeiros de Chantada, aos membros do GES de Monterroso e aos axentes da Garda Civil.
Publicidade
Tras chegar ao punto, ventilar o inmoble e facer as correspondentes medicións, os bombeiros e os membros do GES confirman que a mala combustión da caldeira puido ser a causa da intoxicación. Así mesmo, o persoal sanitario confirmou o traslado das dúas menores e a súa nai ao centro hospitalario de referencia.
Comments