Cruces celebrará o mércores a xuntanza anual dos maiores coa participación de máis de 500 persoas

Haberá música, da man de Carlos Manteiga, misa, un xantar de convivencia, unha homenaxe á muller e ao home de máis idade, sorteo de agasallos e baile

Laura Moure/Vila de Cruces

O Concello de Vila de Cruces celebrará o vindeiro mércores, 30 de xullo, a 32ª Xuntanza das Persoas Maiores de Vila de Cruces, nas Insuas de San Ramón, na parroquia de Gres. A xuntanza, que contará con servizo de transporte gratuíto para o traslado ás Insuas de

Gres, comezará ás 12:30 horas coa recepción dos máis de 500 asistentes.

A continuación, ás 12:45 horas, actuará o músico Carlos Manteiga; ás 13:15 horas celebrarase unha misa e, de seguido, o xantar de convivencia cun menú a base de

empanada, polbo, carne ao caldeiro, sobremesa, bebida e café. Na sobremesa, farase unha homenaxe á muller e ao home de máis idade e celebrarase un sorteo de

agasallos. A xornada pecharase cun gran baile para todos os asistentes. En caso de chuvia, a comida realizarase no pavillón municipal de Cruces.

Publicidade

Preme na imaxe para obter máis información do evento.

O Concello indica que esta xornada é unha oportunidade para compartir recordos, alegrías e bos momentos con quen foron e seguen sendo “exemplo de entrega, esforzo e sabedoría”.

Publicidade

Preme na imaxe para obter máis información do evento.

O rexedor, Luís Taboada, indica que é a festa máis importante de Cruces xunto coa festa do Galo. “Render homenaxe á nosa xente da terceira idade, mulleres e

homes, é unha obriga e un acto de confraternidade. Poder falar con eles, enriquecernos cos seus testemuños de vida e poder abrazalos é un gozo e un privilexio. Pero, ademais, a xuntanza ten un profundo sentido de estímulo comunitario, particularmente importante nas aldeas e parroquias. O contacto persoal tamén nos descobre, en ocasións, algún tipo de necesidade ou carencia. En todo caso, será un día moi feliz xuntos”, segundo explica Taboada con emoción.