Corredores do GTR disputaron o Chandrexa Trail e Os 21 do Camiño

Ecos da Comarca/Deza

Os corredores do Galaico Trail Run disputaron en días pasados dúas importantes carreiras. Por unha banda o Chandrexa Trail, celebrada neste municipio da provincia de Ourense,, e por outra, Os 21 do Camiño, que tivo lugar entre Palas de Rei e Melide.

Preme na imaxe para obter máis información do evento.

O 18 de xuño disputouse no concello ourensán de Chandrexa de Queixa o Chandrexa Trail, Campionato individual Xunta de Galicia de carreiras por montaña na distancia de 34 quillómetros e 2300+. Por parte do Galaico Trail Run competiron Alberto Villamor que acadou un estupendo noveno posto con 4:10:22 horas nunha proba de gran dificultade na que tan so os tres primeros clasificados baixaron das 4 horas. O 11º posto no veterano B logrouno Francisco Javier Dapena. Xa na distancia máis curta de 18 km e 960+ a Tamara García subiu ata o más alto do pódium cun tempo de 2:14h e tamén participou Camilo Framiñán quedando no posto 25.

Preme na imaxe se queres contactar connosco.

"Non pasou desapercibida para os nosos corredores "Os 21 do Camiño" disputada entre Palas de Rei e Melide o pasado sábado onde Cristóbal Dafonte, Sé Senande, Belén Riádigos e Patricia Varela desfrutaron desta xa ben coñecida proba organizada pola Asociación deportiva Cerne. Esta media maratón, considerada unha das mellores de España, agota as súas inscripcions en poucas horas, inunda o Camiño Inglés de voluntarios, gaiteiros, veciños e voluntarios onde máis que unha carreira, parece unha festa. Moi boa organización e espectacular avituallamento final onde repor forzas", resalta o clube. "Destacar a 1:30 horas de Cristóbal e o 5° posto en Mulleres de Patricia, sendo a 1° da sua categoría nun tempo de 1:38 horas".