Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Cornado Mina Non rexeita a utilización de fondos públicos para promocionar ao lobby mineiro

Ecos da Comarca/Touro

Cornado Mina Non rexeita a utilización de fondos públicos para promocionar ao lobby mineiro nas xornadas Minerales estratégicos para la industria gallega. "O Goberno galego esquece os seus propios compromisos sobre cambio climático ao apoiar a actividade da patronal mineira que se celebrará os días 20, 21 e 22 nas instalacións da Cidade da Cultura de Santiago de Compostela".


Sinala que de feito, "o sector mineiro é a día de hoxe o sector máis contaminante, xa que é directamente responsable dunha emisión de gases de efector invernadoiro que oscila entre o 4% e o 7% segundo os anos, consumindo asemade un 11% da enerxía mundial, unas circunstancias que o fan incompatible coa estratexia política que busca a neutralidade en carbono e o cumprimento co Acordo de París en materia de cambio climático".


Doutra banda, a Comisión Europea, informa, vén de instar aos países da UE da importancia do uso renovable dos recursos a través do Plan de Acción para a Economía Circular contemplado no Pacto Verde Europeo, que ten por obxectivo desvincular o crecemento do uso dos recursos a través do deseño de productos sostible e o aproveitamento do potencial que ofrecen as materias primas secundarias pois “a circularidade e a reciclaxe de materias primas é parte integrante da transición a unha economía climáticamente neutra”.


Neste senso, para a CE, “a utilización de materias primas secundarias a través dun mercado da UE sólido e integrado e da retención do valor dos materiais de alta calidade contribuirán a dar resposta a unha porcentaxe cada vez maior da demanda de materias primas na UE”.


"Tendo en conta as liñas de acción marcadas dende a propia Unión Europea non se entende como o Goberno galego está a promocionar co seu apoio ao lobby mineiro nas xornadas Minerales estratégicos para la industria gallega, que conta no seu plantel cunha nutrida representación de integrantes de proxectos altamente contaminantes e socialmente conflitivos como o da mina de Touro, a de San Finx en Lousame, a de Varilongo en Santa Comba e a de Penouta en Viana do Bolo.


A Plataforma veciñal Cornado Mina Non mostra o seu profundo rexeitamento á utilización de fondos públicos por parte da Xunta de Galicia "no apoio á quimera da “minería sostible”, termo que en absoluto se corresponde coa realidade pois a nivel extractivo, a explotación do recurso supón o seu esgotamento pagando, iso sí, unha elevada peaxe a nivel social e ambiental".


53 vistas0 comentarios
IRS.jpg

ESPAZO DISPOÑIBLE PARA ANUNCIARSE