Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Cornado Mina Non quéixase ante Emprego "pola utilización de desempregados a prol da mina de Touro"

Ecos da Comarca/Touro

A Plataforma Veciñal Cornado Mina Non presenta unha queixa ante a Consellería de Emprego e Igualdade "pola utilización de persoas en situación de desemprego a prol da mina de Touro".


"A mercantil Cobre San Rafael está a a inscribir ás paradas e parados que entregan o

curriculum no seu colectivo instrumental, autodenominado “Asociación Plataforma de

Traballadores Mineiros Touro O Pino” para simular apoio social, dado que a entidade

creouse por parte de empregados da mineira co único obxectivo de fragmentar a

maioritaria oposición da veciñanza e tentar sacar adiante o proxecto de reapertura da

polémica explotación de cobre de Atalaya Mining e Explotaciones Gallegas", acusa esta plataforma.

Doutra banda, apunta que o colectivo da mineira "utiliza as cifras de supostos “socios” a conveniencia nun burdo acto de manipulación, pois no mes de setembro pasou, dunha semana para outra de falar de “máis de 1.000” socios a “máis de 1.300”, que aínda tendo en conta a irrealidade da cifra non deixan de ser persoas en situación de desemprego que na súa meirande parte descoñecen o uso torticeiro que se está a facer do seu requerimento laboral".


Ao mesmo tempo, Cornado Mina Non subliña que "a suposta plataforma de “Mineiros Touro O Pino” foi concibida dende a mineira e a prol do obxectivo comercial da mineira nunha estratexia de marketing corporativo cuidadosamente deseñada dende os despachos da empresa. Tanto é así que as propias oficinas de Cobre San Rafael na localidade de O Pino aparecen plenamente identificadas cos logotipos da súa asociación instrumental. Sen dúbida porque unha e outra son as dúas caras da mesma moeda".