Contigo Silleda denuncia “as comedias e o pasotismo político de Silleda”

Alerta "do perigo que supón a estrutura do lavadoiro de Xestoso"

Ecos da Comarca/Silleda

Contigo Silleda denuncia “as comedias e ou pasotismo político de Silleda”. Sinala que "hai varios meses que os veciños de Xestoso, alertaron ao Goberno Local de Silleda do perigo que supón a estrutura do lavadoiro de Xestoso, debido a que un camión deulle un golpe a un dos piares de formigón que suxeita o teito do lavadoiro do lugar. A pesar do perigo que supón de que en calquera momento póidase derrubar a estrutura de formigón e poida causar danos, tanto a persoas como animais, que frecuenta a fonte, o Concello nin se preocupo de sinalizar, nin tampouco reparar os danos causados".

Publicidade

Preme na imaxe para obter máis información do evento.

"A policía local do municipio tampouco se preocupo moito de analizar o problema. Nas dúas ocasións que visitou a zona, dixo que non valía a pena nin sinalizar, que non había perigo algún. No ano 2019 o goberno que preside Paula Fernández comprometeuse a restaurar o lavadoiro, cinco anos despois está a caer".

Publicidade

Preme na imaxe se queres contactar connosco.

O presidente de Contigo Silleda, Julio Ramos, recomenda ao Goberno Local de Silleda que coloquen un valado perimetral de seguridade e inicie os traballos de reparación. "De non tomar as medidas necesarias, será a propia formación quen tome as medidas oportunas", adianta.