Comezan os cursos de natación nas piscinas de Silleda e superanse os 110 participantes

Ecos da Comarca/Silleda

Onte, venres deron comezo os cursos de natación da tempada de verán 2025 nas piscinas municipais de Silleda e da Bandeira. As sesións, de iniciación e perfeccionamento, prolongaránse ata o 31 de agosto, este ano con récord de participación ao superarse as 110 persoas participantes.

O persoal de socorrismo, cun equipo de 3 profesionais, encargarase de impartir as sesións, con varios turnos entre as 12:00 e as 14:15, nos dous recintos municipais.

No caso de Silleda, con máis de 80 inscricións, hai xa lista de agarda. Debido á elevada participación se estableceron 8 grupos: tres deles de 5-6 anos; dous de 7-8 anos, dous de 9-11 anos e un máis para maiores de 12 anos.

Publicidade

Preme na imaxe para obter máis información do evento.

Para menores, aínda quedan prazas nas piscina da Bandeira, onde tamén se desenvolverán finalmente as sesións para persoas adultas, dado o elevado

número de inscricións infantís en Silleda.

Publicidade

Preme na imaxe se queres contactar connosco.

As piscinas municipais abren ao público de luns a venres en horario de 14:30 a 20:30 horas, e os sábados, domingos e xornadas festivas (caso do vindeiro venres día 11 en Silleda) o horario será de 15:00 a 20:30.