Comeza en Silleda o campamento dixital da Fundación Cibervoluntarios

Celebrarase ata o venres na Casa da Xuventude, cunha vintena de nenos e nenas de 9 a 13 anos

Ecos da Comarca/Silleda

A Casa da Xuventude de Silleda acolle dende onte e ata o vindeiro venres un campamento dixital, que se converte nun espazo de aprendizaxe tecnolóxica e creatividade no marco da programación da Fundación Cibervoluntarios.

Un total de 17 rapaces e rapazas de 9 a 13 anos están xa a participar nesta actividade, de balde para as persoas participantes.

Publicidade

Preme na imaxe para obter máis información do evento.

Estes campamentos forman parte da iniciativa Campamento Dixital, impulsada pola Fundación Cibervoluntarios dentro do programa CODI (Competencias Dixitais para a Infancia), co apoio do Ministerio de Xuventude e Infancia e financiado pola Unión Europea a través dos fondos NextGenerationEU.

Publicidade

Dende o Concello de Silleda, a alcaldesa, Paula Fernández, e a concelleira de Educación, Ángela Troitiño, deron a benvida hoxe ao grupo e destacaron que a celebración destes campamentos é “unha oportunidade para desenvolver competencias dixitais e compartir experiencias entre a veciñanza máis nova”.