Colocadas as illas medioambientais do programa 'Da túa man' nas vilas de Silleda e da Bandeira

A iniciativa, para a reactivación do comercio, complementa ás áreas de descanso nas prazas e tótems informativos sobre o sector

Laura Moure/Silleda

O programa Da túa man, promovido pola Deputación de Pontevedra e no que participan 11 Concellos da provincia, segue a desenvolver novas accións. Así, en Silleda, logo de instalarse as áreas de descanso nas prazas da Igrexa e Juan Salgueiro de Silleda e na praza Juan Salgueiro da Bandeira, tamén con cargadores solares, nos últimos días foron instaladas nas dúas vilas as chamadas illas ecolóxicas, con catro colectores para biorresiduos e cartón, que se usan tamén como punto de información e sensibilización

sobre o tratamento de residuos e a reciclaxe.

As illas colocáronse na rúa Santa Eulalia de Silleda e na rúa do Parque da Bandeira. En vindeiras datas instalaranse tamén tótems informativos sobre os establecementos comerciais.

Preme na imaxe se queres contactar connosco!

Este programa púxose en marcha para propiciar a reactivación do comercio con distintas medidas nun total de once municipios da provincia (A Cañiza, Gondomar, Moaña, Meaño, Ponte Caldelas, O Rosal, Silleda, Salceda de Caselas, Tomiño, Poio e Ribadumia).