Colisión entre un coche e unha furgoneta en Melide

Ecos da Comarca/Melide

Este mediodía rexistrouse un accidente entre dous vehículos en Melide, que se saldou cunha persoa ferida leve.

Foto de arquivo.

O 112 Galicia foi avisado ás 12:39 horas por parte dun particular e tamén do eCall dun dos vehículos, que é o sistema que avisa automaticamente a Emerxencias en caso de accidente. Tal e como informa o 112 Galicia o sinistro tivo lugar na N-547 no quilómentro 50. No coñecido como cruce de Santa María.

Tratouse dunha colisión entre un coche e unha furgoneta. O 112 avisou a Urxencias Sanitarias, á Garda Civil de Tráfico, á Policía Local, a Protección Civil e ao Servizo de Mantemento de Estradas.

Preme na imaxe se queres contactar connosco.

"Indicáronos que os ocupantes de ambos vehículos estaban liberados e accesibles e só unha persoa precisaba asistencia médica porque tiña algo de dor polo impacto dos airbags", informa o 112 Galicia.