Colisión entre un coche e un camión en Silleda

Ecos da Comarca/Silleda

Esta mañá orixinouse un accidente entre dous vehículos no municipio de Silleda. O 112 Galicia foi alertado ás 9:45 horas.

Foto de arquivo.

Tratouse dunha colisión entre un coche e un camión na estrada N-525 á altura da recta de Taboada, no municipio de Silleda. A consecuencia do sinistro producíronse retencións de tráfico.

Preme na imaxe se queres contactar connosco!

O 112 Galicia mobilizou a Urxencias Sanitarias, aos Bombeiros de Deza e á Garda Civil de Tráfico. Na chamada ao 112 indicaban que todas as persoas estaban accesibles e liberadas.