Colisión dun coche e unha furgoneta no municipio de Arzúa

Ecos da Comarca/Arzúa

O accidente deste venres. Autor: Bombeiros de Arzúa.

Este venres rexistrouse un accidente de tráfico no concello de Arzúa. Foron dous vehículos os implicados e saldouse cunha persoa ferida leve. O 112 Galicia foi alertado ás 19:33 horas.

"Tratouse dunha colisión dun turismo e unha furgoneta na N-547 á altura da parroquia da Castañeda", informa o 112 Galicia quen sinala que na chamada indicaban que a furgoneta estaba envorcada e que no turismo saltaran os airbags.

Publicidade

Preme na imaxe para obter máis información!

Con estes datos, o 112 deu aviso a Urxencias Sanitarias, aos Bombeiros de Arzúa, á Policía Local e á Garda Civil de Tráfico.

Publicidade

Preme na imaxe se queres contactar connosco.

"Tempo despois os bombeiros indicáronos que un dos vehículos, a furgoneta, estaba envorcado lateralmente e por iso dúas persoas non daban saído. Os bombeiros tiveron que axudar a unhas delas a saír mentres que a outra finalmente, conseguiuno polo seu propio pé", puntualiza o 112 Galicia que ademais, sinala que unha das persoas estaba ferida leve.