Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Cogami Silleda recibe máis de 220.000 euros destinados á atención de persoas con discapacidade

O centro conta cunha vintena de prazas financiadas con fondos públicos autonómicos

Ecos da Comarca/Silleda

O director xeral de Maiores e Persoas con Discapacidade, Fernando González Abeijón, puxo en valor os coidados que reciben as persoas con discapacidade e as súas familias nas instalacións de Cogami en Silleda. A Xunta destina máis de 220.000 euros aos coidados e a atención de persoas con discapacidade neste centro, que conta cunha vintena de prazas financiadas con fondos públicos autonómicos.

Fernando González Abeijón visitou esta mañá os centros de día e ocupacional que xestiona esta entidade neste municipio. Alí valorou a ampla experiencia de Cogami na mellora da calidade de vida e na integración social e laboral de persoas con discapacidade.


Neste mesmo sentido, recordou a importante colaboración que mantén a Administración autonómica coas entidades sociais que, como Cogami están día a día achegando solucións para mellorar a calidade de vida dos seus usuarios. No complexo de Medelo, situado na parroquia silledense de Manduas, os usuarios dispoñen tanto de atención terapéutica de día como de fisioterapia. Ademais, desenvolven diferentes cursos de formación e actividades de capacitación como obradoiros de coiro, de teares ou de alfombras.

141 visualizaciones0 comentarios
IRS.jpg

ESPAZO DISPOÑIBLE PARA ANUNCIARSE