Cogami levará a cabo en abril un curso en Lalín sobre alfabetización dixital

Está dirixido a persoas con discapacidade dun mínimo do 33% ou co certificado de incapacidade laboral para a profesión habitual que concede o INS

Laura Moure/Lalín

A partir do día 1 de abril, a aula Cemit do Auditorio Municipal de Lalín (rúa da Banca, 10) acollerá un curso de Alfabetización Dixital que imparte COGAMI. Dirixido a persoas con discapacidade dun mínimo do 33% ou co certificado de incapacidade laboral para a profesión habitual que concede o INS, esta formación constará de 60 horas lectivas que se van a impartir en horario de mañá os martes e xoves de 9:00 a 14:00 horas.

Financiada polo Ministerio de Educación, Formación Profesional e Deportes a través de COCEMFE, entidade estatal da que forma parte COGAMI, esta formación está dirixida a persoas con discapacidade adultas que presentan necesidades educativas específicas. Está aberta a inscrición para quen desexe formarse neste curso que non suporá custo algún para as persoas que se matriculen.

Publicidade    

Preme na imaxe se queres contactar connosco.

Entre temas que se van tratar están o manexo de aplicacións e ferramentas básicas, o coñecemento de portais de emprego, o deseño e implementación do currículum, a redacción dunha carta de presentación, o manexo da Chave 365, o uso da clave permanente, entre outros.