Forma parte do programa de inserción laboral Máis Emprego que financia Fundación “la Caixa” en colaboración co Fondo Social Europeo (FSE)
Laura Moure/Silleda
Un total de 14 persoas con discapacidade ou incapacidade laboral para a profesión habitual inician curso de Acompañantes de transporte na Casa da Xuventude de Silleda que lles imparte a Confederación Galega de Persoas con Discapacidade (COGAMI). Esta formación contará cunha duración de 55 horas, das cales 25 son teóricas e 30 serán
prácticas en empresas das zonas de residencia habitual das persoas que se están
formando, co fin de facilitar o contacto co tecido empresarial da zona de busca de emprego coa conseguinte inserción laboral.
O alumnado deste curso comprende idades de entre os 25 e os 63 anos e procede de
distintos concellos da provincia de Pontevedra como Silleda, Lalín e A Estrada e tanto se
están a formar para poder acceder ao mercado de traballo por primeira vez e tamén para
lograr unha reciclaxe profesional.
Este curso forma parte do programa de inserción laboral Máis Emprego que desenvolve
Cogami na provincia de Pontevedra e que financia Fundación “la Caixa” en colaboración co Fondo Social Europeo (FSE). O que pretende este programa é ofrecer oportunidades para poder acceder ao mercado de traballo por primeira vez ou para lograr a reciclaxe profesional das persoas con discapacidade de entre 18 e 65 anos.
Comments