Catro vehículos coliden na AP-9 en Cambre por causa dun xabaril

Ecos da Comarca/Xeral

Segundo os Bombeiros de Betanzos, sete persoas necesitaron asistencia médica, aínda que ningunha presentaba lesións graves.

A colisión, na que se viron implicados catro vehículos, produciuse na AP-9, en sentido Santiago, ao paso por Cambre. Eran as 7:20 horas, cando o 112 Galicia recibiu as primeiras chamadas para alertar dun accidente provocado por un xabaril. Había catro coches golpeados e persoas feridas, aínda que ningunha grave. Ademais, producíronse importantes retencións.

Publicidade

Preme na imaxe para obter máis información do evento.

Co fin de atender as persoas feridas, desde o 112 Galicia, solicitouse a intervención dos profesionais de Urxencias Sanitarias de Galicia-061 e dos axentes da Garda Civil de Tráfico. Tamén interviñeron os Bombeiros de Betanzos e os efectivos do Servizo Municipal de Protección Civil. Con todo, ningún dos implicados necesitou os medios de rescate para saír dos vehículos.

Publicidade    

Preme na imaxe se queres contactar connosco.

Pola súa parte, os equipos médicos comezaron a realizar os correspondentes traslados ao Complexo Hospitalario Universitario da Coruña (CHUAC).

Por outra banda, un coche envorcou na A-55, en Petelos, Mos. Sen embargo, o condutor puido saír polos seus propios medios e recibiu asistencia médica.

Sucedeu unha hora despois do accidente de Cambre e contou coa presenza dos Bombeiros do Porriño, que tiveron que desconectar a batería do vehículo debido a que fumeaba.