Carmen Pomar inaugurará mañá o curso de Soft Skills organizado pola EFA Piñeiral de Arzúa
Durante o mes de xaneiro e febreiro no centro de formación profesional arzúan terán lugar as sesión impartidas por recoñecidos profesionais de diferentes ámbitos laborais
Laura Moure/Arzúa
As competencias emocionais; claves para un bo desempeño laboral e un bo
desenvolvemento persoal é o título da sesión que impartirá a profesora universitaria e experta en psicoloxía emocional Carmen Pomar este mércores na Efa Piñeiral (Arzúa).
Esta acción formativa enmárcase dentro do curso de SOFT SKILLS que o centro de
formación profesional impartirá ó longo do mes de xaneiro e febreiro e que ten como cometido sensibilizar ós futuros profesionais que se están a formar na EFA Piñeiral coas habilidades brandas máis demandadas nos seus entornos laborais e no desempeño da súas profesións.
Ademais da intelixencia emocional o alumnado da EFA Piñeiral aprenderá sobre a importancia e dinámicas do traballo en equipo, a capacidade de organización e a necesidade de desenvolver liderazgo e habilidades comunicativas.
