Carme Adán presenta este xoves no museo municipal de Lalín unha das súas obras
Este caderno leva por título Vivas e Libres. Lexislación e violencia machista: Contribucións do nacionalismo galego
Laura Moure/Lalín
Este xoves, 2 de decembro a Fundación Galiza Sempre presentará no Museo Municipal Ramón María Aller Ulloa de Lalín ás 20:00 horas o caderno Vivas e Libres. Lexislación e violencia machista: Contribucións do nacionalismo galego elaborado pola pensadora feminista Carme Adán. Durante o acto, ademais da autora, intervirá Ariadna Fernández do consello local do BNG.
A obra forma parte da colección de cadernos de análise Ideas Impresas que a Fundación
Galiza Sempre relanzou en 2020 cun modelo e unha edición máis moderna e nova, pero
co mesmo formato lixeiro e interactivo co que naceu hai 20 anos. Este cuarto título consolida unha colección de cadernos de monotemáticos da realidade galega.
O caderno elaborado por Carme Adán pretende afondar na loita contra os feminicidios desde unha óptica lexislativa, facendo un repaso ás leis contra a violencia de xénero e as
aportacións que o nacionalismo galego históricamente ten feito. Ao mesmo tempo que repara nas necesidades de actualizar unha lei galega que está ficando obsoleta e que non se adapta á realidade dos novos e vellos patróns da violencia machista.
Biografía da autora
Carme Adán é doutora en filosofía, ensaísta e pensadora feminista. Durante os anos 2005 e 2009 foi Secretaria Xeral de Igualdade da Xunta de Galiza, paralelamente nesta época
desempeñaba o cargo de presidenta da Unidade de Muller e Ciencia de Galiza. Entre 2009 e 2016 foi deputada do BNG. É autora de obras como Feminismo e coñecemento,
Violencia obstétrica ou Feminicidio. Unha nova orde patriarcal en tempos de submisión. Na actualidade é membro do Padroado do Consello da Cultura Galega e dentro del encárgase da coordinación da sección de pensamento. Actividade que combina co seu retorno ás aulas como catedrática de filosofía no IES Politécnico de Vigo.
O caderno que se presenta o xoves en Lalín é o cuarto dunha colección que está conformada por títulos como Unha proposta para a ría de Ferro, Políticas Públicas da
Memoria na Galiza ou Eucaliptos e o forestal arborado galego. Todos eles son cadernos
divulgativos que funcionan como ferramente de consulta e formación. Aos título nomeados anteriorme temos que sumar A necesidade dun feminismo galego e O espolio natural da
Illa da Creba.
O acto estará presentado e dirixido por Ariadna Fernández, membro do Consello Local do
BNG de Lalín, e no que contaremos coa propia autora do caderno. As persoas que se
acheguen poderán levar de balde un exemplar.
