Canto sabemos de Rosalía de Castro?
Este ano o día desta autora adiantouse a hoxe despois da aparición de documentos que demostran que a súa data de nacemento foi o 23 e non o 24, como se cría ata agora
Laura Moure/Xeral
Todas aquelas persoas que temos a escritura como a nosa ferramenta de traballo sabemos da importancia de saber expresar o que queremos contar. E sen dúbida, a palabra é unha arma moi poderosa e a comunicación imprescindible en todos os ámbitos que evitarían moitas batallas. Sempre, sempre... comunicándose, a xente enténdese... ou polo menos inténtase. Hoxe apetécenos falar dunha persoa que foi fundamental para a literatura galega e tamén para a española. Ela é Rosalía de Castro, que ademais hoxe é o seu día.
Este ano o día de Rosalía de Castro adiantouse ao 23 de febrero despois da aparición de documentos que demostran que a súa data de nacemento foi este día e non o 24, como se cría ata agora. Esta autora naceu en Santiago de Compostela no ano1837 e faleceu en Padrón o 15 de xullo de 1885. Foi unha poetisa e novelista española que escribiu tanto en galego como en castelán. Considerada entre os grandes poetas da literatura española do século XIX, representa xunto con Eduardo Pondal e Curros Enríquez, unha das figuras emblemáticas do Rexurdimento galego, non só pola súa achega literaria en xeral e polo feito de que os seus Cantares galegos sexan entendidos como a primeira gran obra da literatura galega contemporánea, senón polo proceso de sacralización ao que foi sometida e que acabou por convertela en encarnación e símbolo do pobo galego. Ademais, é considerada xunto con Gustavo Adolfo Bécquer, a precursora da poesía española moderna.
Pero sabemos todo dela? Deixamos por aquí algunhas curiosidades:
O seu nome real era María Rosalía Rita.
Foi inscrita no rexistro como filla de pais descoñecidos, aínda que se sabía quen eran: unha fidalga chamada María Teresa da Cruz e un sacerdote, José Martínez Viojo. Tomouse a decisión de inscribila así para non destapar a profesión relixiosa do home nin a relación entre os seus proxenitores.
Escribiu os seus primeiros versos aos 12 anos.
Sempre se falou de que foi unha persoa enfermiza, por iso é polo que haxa estudosos da vida de Rosalía de Castro que establecen que esa circunstancia é a que determinou que fose moi pesimista e mesmo hipersensible.
Ademais, na súa negatividade e tristeza influíron tamén as mortes de dous dos seus sete fillos: Valentina, que veu ao mundo sen vida, e Honorato. Este faleceu cando contaba con 19 meses debido á caída que sufríu desde unha mesa.
Foi pioneira en varios aspectos, entre eles na poesía española moderna e no feminismo.
Antes de morrer, aproveitando a ausencia do marido mandou ás fillas queimar os seus manuscritos, desaparecendo así tódalas obras non publicadas.
Dise que a súa flor favorita de Rosalía era o pensamento malva.
