Cae co seu vehículo por un terraplén no municipio de Toques

O condutor precisou asistencia sanitaria, pero en principio non revestía gravidade

Ecos da Comarca/Toques

Esta mañá rexistrouse unha saída de vía na estrada que une Melide con Toques, ao seu paso por este último municipio. O 112 Galicia recibiu a chamada dun particular sobre as 10:00 horas.

Foto arquivo. Autor: Ecos da Comarca.

O vehículo caeu por un terraplén, tal e como informa o 112 Galicia, e o condutor necesitou asistencia sanitaria aínda que en principio, non revestía gravidade.

O 112 alertou aos servizos sanitarios, aos axentes da Garda Civil de Tráfico e aos bombeiros de Arzúa.