top of page

Broken Peach, Azúcar Moreno e Gallaecia actuarán na XXVIII Festa do Galo de Curral de Cruces

Foto del escritor: Laura MoureLaura Moure

O pregoeiro será Marcial Mouzo e o evento estará presentado pola humorista Lucía Veiga


Laura Moure/Vila de Cruces

A tan só un mes para a celebración da que será a XXVIII Festa Gastronómica do Galo de Curral, o goberno de Vila de Cruces presentou este venres o cartel coa toda a programación, que inclúe iniciativas para todos os gustos e idades.

O sábado 28 de maio ás 21:30 horas dará comezo a edición da Festa do Galo de Curral número vinte e oito co espectáculo musical Gallaecia.


O domingo 29 ás 10:30 horas arrancará un pasacalle cos grupos folclóricos o Arco de Merza e Brincadeira de Carbia. Ás 11:30 horas poderá verse a exposición de vehículos SEAT 600, da man da presentadora e humorista Lucía Veiga que dará paso á actuación ás 12:00 de Broken Peach e tamén ao pregoeiro deste ano Marcial Mouzo, cun peche espectacular da man de Azúcar Moreno a partir das 13:30 horas.

Xa na sesión de tarde será a quenda do XXVIII Festival de Bandas de Galicia, no que nesta ocasión, poñerán o ritmo a Unión Musical Ponteledesma e as bandas de Sanxenxo e a de Lalín.


Por suposto, poderase degustar o produto estrela como é de costume, unha degustación que, segundo o alcalde Luís Taboada, "fará que se disparen as vendas deste manxar que é o Galo de Curral de Vila de Cruces".

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page