Conseguiu tres podiumns e dous corredores quedaron entre os cinco mellores da xeral
Ecos da Comarca/Monterroso
Os corredores do Run Run Monterroso obtiveron bos resultados na XI Carreira do Cocido de Lalín, disputada o pasado domingo. Esta este ano contou con varias novidades, entre as que se encontraban o cambio de data debido as restrición da Covid-19, que antes era o domingo previo á festa do Cocido. Outras novidades viñeron na saída e no percorrido. Nesta edición a saída e meta foi a beira do “Castro Tecnolóxico” e fíxose o percorrido en sentido inverso ao habitual.
A participación viuse limitada por mor do protocolo da pandemia estando inscritos nas diferentes categorías un total de 418 participantes. Entre eles 16 corredores do Run Run Monterroso que volveron con tres podiums e dous corredores entre os cinco mellores da xeral.
Na categoría senior quedou primeiro Luis Martínez (Run Run Monterroso), segundo, Rubén Vicente (Run Run Monterroso) e terceiro, Iván Solís ( Triatlón O Cotón)
Por outra parte, na categoría Sub23 o Run Run Monterroso colleitou un novo podium co segundo posto de Víctor Valiño.
"En global uns bos resultados para o Run Run Monterroso que uniu os tres podiums e por ser o equipo que máis corredores meteu entre os 50 primeiros clasificados", subliña o clube.
NOTICIA RELACIONADA:
Comments