Belén do Campo e a alcaldesa de Boimorto analizan os distintos proxectos para este municipio

A delegada da Xunta destacou os máis de 167.000 euros aprobados, no 2025, pola dirección xeral de Administración Local para mellorar a eficiencia enerxética da Casa da Cultura o do ximnasio municipal

Laura Moure/Boimorto

A delegada da Xunta, Belén do Campo, mantivo o martes un encontro de traballo coa alcaldesa de Boimorto, María Jesús Novo, no que abordaron os distintos proxectos e axudas comprometidas polo Goberno galego este ano neste municipio.

Concretamente, a rexedora informoulle que está en execución a mellora da eficiencia enerxética do ximnasio municipal que conta cunha axuda, de máis de 47.000 euros, do Fondo Adicional ao Fondo de Cooperación Local, e en proceso de licitación a mellora da eficiencia enerxética da Casa da Cultura que conta cun apoio de case 120.000 euros, da orde de Eficiencia Enerxética dos fondos FEDER 25-26, ambas suman un total de máis 167.000 euros da Dirección Xeral de Administración Local. 

Ademais, a alcaldesa destacou a gran utilidade do Plan Camiña Rural, 25-26 a través do cal a Xunta aporta case 66.000 euros para levar a cabo a mellora dos seus camiños municipais. Belén do Campo sinalou que “os camiños rurais facilitan a accesibilidade e vertebración do territorio, reforzan o tecido social e contribúen a mellorar a capacidade organizativa das áreas rurais, dinamizan o tecido produtivo e fixan poboación”. Neste senso, a delegada tamén subliñou a colaboración deste Concello na prevención e loita contra os incendios forestais xa que están adheridos ao convenio coa Consellería de Medio Rural para a realización de accións de prevención e defensa contra os incendios forestais 25-26 que conta cun orzamento bianual de máis de 151.000 euros.

 Publicidade

Preme na imaxe para obter máis información.

Na reunión tamén  tiveron ocasión de abordar o bo ritmo ao que avanzan as obras de ampliación da residencia de maiores, financiadas con máis de 500.000 euros polo Goberno galego a través dos fondos europeos del Mecanismo de Recuperación, Transformación e Resilencia (MRR). Con esta inversión, este centro contará con 14 novas prazas.

Publicidade

Preme para contactar con nós e pregunta polas tarifas que son unha bicoca!

Belén do Campo destacou a importancia de manter un diálogo continuo cos representantes das administracións locais e de coñecer de primeira man as súas necesidades para, desta forma, acertar coas iniciativas que vaian en beneficio dos cidadáns.