Belén do Campo destaca en O Pino a mellora da seguridade viaria coa nova ponte en Domés

Está financiada cun apoio da Xunta de máis de 120.000 euros

Laura Moure/O Pino

A delegada da Xunta da Coruña, Belén do Campo, acompañada polo alcalde do Pino, Manuel Taboada, visitou a actuación a obra da nova ponte en Domés sobre o río Noa realizada co apoio da Xunta a través do PIR (Plan de Infraestruturas Rurais do 2025) da Xunta.

A intervención consistiu na substitución dunha obra de drenaxe situada nun camiño municipal ao sur de Domés, que presentaba importantes deficiencias. A infraestrutura existente tiña capacidade insuficiente en épocas de enchente, o que provocaba asolagamentos nos terreos adxacentes. Ademais, o seu reducido ancho dificultaba o paso de vehículos e impedía o cruzamento entre eles, afectando á seguridade viaria e á funcionalidade da vía.

 Publicidade

Preme para obter máis información.

A nova estrutura executada é un pórtico de 6x3 metros cun ancho de taboleiro de 7,2 metros, mellorando de xeito significativo a capacidade hidráulica e as condicións de circulación neste punto.

O investimento total da actuación ascende a máis de 120.000 euros. Belén do Campo subliñou que co obxectivo da intervención foi “mellorar as comunicacións, reforzar a seguridade e dar resposta ás necesidades dos concellos do rural”.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Durante a visita, a delegada destacou a importancia deste tipo de actuacións para garantir infraestruturas máis seguras e adaptadas ás condicións climáticas actuais, ao tempo que reafirmou o compromiso da Xunta coa mellora continua das dotacións e servizos nos municipios da provincia. Neste senso destacou que no 2025 se financiaron na provincia da Coruña 13 actuacións a través do Plan de Infraestruturas Rurais cun investimento total de máis de 1 millón de euros.