Ecos da Comarca/O Pino
Atopan sen vida a un home nun barranco de difícil acceso preto do seu domicilio en O Pino
Os Bombeiros de Arzúa rescataron o corpo do varón, que foi atopado moi preto da súa vivenda situada no lugar de Santa Irene, en Arca, no concello coruñés de O Pino.
Pasadas as cinco e media da tarde pasada, un particular contactou co 112 Galicia para solicitar axuda. Indicaba que botaba en falta a un veciño que vivía só, que non vía dende facía dous días e, ante a sospeita de que lle puidera ocorrer algo no interior da vivenda, pedía axuda.
Publicidade
De inmediato, tras a conversa con este particular, os xestores do 112 avisaron ao Servizo de Urxencias Sanitarias de Galicia-061, aos Bombeiros de Arzúa e á Garda Civil.
Publicidade
Unha vez no lugar os Bombeiros entraron na vivenda e non atoparon ao home nin no interior nin nos exteriores da vivenda, iso si, atoparon o coche estacionado no alpendre.
Así, tras seguir coa busca polos arredores, ao fío das 21:00 horas, os axentes da Garda Civil comunicaron ao 112 Galicia o achado do varón. Indicaron que fora localizado nun barranco de difícil acceso, pola parte de arriba do seu domicilio.
Publicidade
Foi precisa a intervención dos Bombeiros, que tras realizar as correspondentes dilixencias no mesmo lugar dos feitos por parte da Policía Xudicial, rescataron o corpo e procedeuse co levantamento do cadáver.
Comments