Atopan o corpo sen vida do mozo pescador que caera á auga no Páramo

Ecos da Comarca/Xeral

Finaliza o operativo de busca do mozo pescador que caera á auga en O Páramo ao aparecer o seu corpo sen vida. Os técnicos da Axencia Galega de Emerxencias (AXEGA) anularon a saída do seu equipo de drons que se ían sumar a busca do mozo desaparecido onte cando caeu á auga ao tratar de recuperar a súa cana.

Publicidade

Preme na imaxe se queres saber máis deste evento.

O 112 Galicia tivo constancia da aparición do corpo cando os axentes da Garda Civil o notificaron minutos antes das 14 horas. Segundo indican, o corpo apareceu no encoro preto de onde se estaba a levar a cabo o operativo de busca.

Tamén, nas últimas horas, desde o 112 Galicia, xestionouse a intervención do grupo de atención psicolóxica, GIPCE, do Colexio de Psicólogos de Galicia, para ofrecer a axuda especializada á familia do falecido.

Publicidade

Preme na imaxe para contactar con nós.

Cabe mencionar que tamén apareceu o corpo sen vida do bañista que caeu a auga tamén onte en Taboada: https://www.ecosdacomarca.com/post/a-garda-civil-localiza-o-corpo-sen-vida-do-home-desaparecido-na-auga-en-taboada

NOTICIAS RELACIONADAS:

• Buscan a un pescador que caeu no encoro de Belesar cando trataba de recuperar a súa cana: https://www.ecosdacomarca.com/post/buscan-a-un-pescador-que-caeu-no-encoro-de-belesar-cando-trataba-de-recuperar-a-s%C3%BAa-cana

• Buscan a un home que saltou á auga dende un pantalán en Taboada: https://www.ecosdacomarca.com/post/buscan-a-un-home-que-saltou-%C3%A1-auga-dende-un-pantal%C3%A1n-en-taboada