Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

As Torrentes de Mácara, un verdadeiro tesouro natural


Fonte: Ecos da Comarca


Laura Moure/Palas de Rei

Os ríos da comarca da Ulloa caracterínzase pola calidade das súas augas. E proba disto é a existencia dunha gran diversidade de especies que se atopan nestes paraxes. Unha destas mostras son as espectaculares Torrentes de Mácara, situadas entre os municipios de Palas de Rei e Agolada.


Tal e como se pode aprezar no panel informativo que dá a benvida a este paraxe, neste lugar atopan o seu fogar non só as especies fortemente ligadas á auga, senón tamén animais que precisan a tranquilidade e a natureza ben conservada das ribeiras. Porque o certo, é que a tranquilidade que esconden estas torrentes convírtenas nun marabilloso lugar para desconectar e para recargar as pilas rodeados dun tesouro completamente natural.


A transformación da paisaxe rural galega foron deixando estes espazos como testemuños da natureza orixinaria da nosa querida terra e convertendo aos ríos en corredores ecolóxicos de enorme importancia. Lugares así, como ben di este panel informativo, non son soamente paisaxes fermosas, son ademais fundamentais para a saúde desta comarca e por suposto, contribúen a darlle forza e valía á ben chamada Galicia calidade.


Este lugar está próximo ao castelo de Pambre e nestas augas celebráronse varias edicións da Copa Galega de Kaiak Extremo.


Varandas

Cabe lembrar que en días pasados o Concello de Palas de Rei actuou na ruta de sendeirismo das Torrentes de Mácara, onde se instalaron varandas de protección en varios puntos, así como levou a cabo a limpeza e consolidación das zonas en mal estado tralo paso do inverno. Os traballos foron executados pola brigada de obras do Concello.

130 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE