As reservas para participar na cea de peñas da Festa da Empanada da Bandeira, abertas ata o 19 de agosto

A Asociación de Amigos da Empanada presentará hoxe, venres, o  cartel e a programación da XLIX edición desta cita

Laura Moure/Silleda

A Asociación de Amigos da Empanada presentará hoxe, venres 8 de agosto, ás 20:00 horas, na Praza Juan Salgueiro de Bandeira, o cartel e a programación da XLIX edición da Festa da Empanada, a primeira que se celebra despois de obter o recoñecemento como

Festa de Interese Turístico Nacional.

Nesta edición, a comisión decidiu recuperar o formato tradicional da festa. Os actos principais terán lugar na tarde do sábado, mantendo como peche a tradicional cea de peñas, un dos sinais de identidade da celebración.

Publicidade

Preme na imaxe para obter máis información.

Por motivos organizativos, este ano non se realizará o tradicional petitorio porta a porta. No seu lugar, a Asociación fai un chamamento á colaboración da veciñanza a través de achegas económicas voluntarias, que se poden ingresar na seguinte conta bancaria:

ES07 2080 5013 7230 0008 6620

Publicidade

Preme na imaxe se queres contactar connosco.

As reservas para participar na cea de peñas xa estáb abertas dende o pasado día 6 ata 19 de agosto, en horario de 18:00 a 21:30 horas, na Casa da Cultura de Bandeira. Desde a Asociación de Amigos da Empanada agradécese expresamente o apoio recibido ata o momento e as achegas realizadas, fundamentais para garantir o desenvolvemento da festa.