As piscinas de Rodeiro xa están abertas, pero agardan a contratación doutro socorrista

Laura Moure/Rodeiro

As piscinas municipais de Rodeiro abriron este xoves, pero de momento, o Concello só conseguiu contratar a un socorrista, porque a falta destes profesionais está afectando a todos os municipios. Así mentras só haxa un socorrista os horarios serán de mércores a domingo de 12:00 a 14:00 e de 16:00 a 20:30 horas; os martes só de 16:00 a 20:30, e os luns permanecerá pechada.

"En canto consigamos un segundo socorrista, cousa non doada pola falta deste persoal, abriremos os sete días da semana e tamén á mediodía", apunta o alcalde do municipio, Rubén Quintá.

As piscinas de Rodeiro.