As comarcas volverán ter hoxe luns os ceos cubertos con posibilidade chuvascos

IsmaelRS/Xeral

As baixas presións localizaranse durante esta xornada sobre as illas Británicas, pero aínda achegarán inestabilidade e aire húmido procedente do Atlántico. Así, os ceos permanecerán parcialmente cubertos e con chuvascos, que serán máis frecuentes e intensos pola mañá na metade oeste e pola tarde na metade leste.

As temperaturas descenderán lixeiramente. Os ventos soprarán frouxos, de compoñente sur pola mañá e de compoñente oeste á tarde, tal e como comenta MeteoGalicia.