As comarcas terán hoxe xoves os ceos nubrados e chuvascos xeneralizados
IsmaelRS/Xeral
Hoxe xoves, Galicia quedará na influencia dun centro de baixas presións situado entre Azores e Lisboa. Así, os ceos estarán nubrados, con chuvascos xeneralizados que poden acadar intensidade puntualmente forte en calquera punto da Comunidade. As temperaturas mínimas ascenderán lixeiramente e as máximas quedarán sen cambios ou sufrirán lixeiros descensos, polo que será unha xornada de moi pouca oscilación térmica. O vento soprará do leste e nordés na metade norte, forte no litoral entre Ribadeo e Fisterra, e de compoñente sur no resto, tal e como comenta MeteoGalicia.
