As comarcas terán hoxe venres os ceos nubrados e precipitacións ocasionais
IsmaelRS/Xeral
A borrasca desprázase cara Irlanda e seguirá enviando frontes durante o venres. Así, agárdase un día de ceos parcialmente cubertos e con chuvascos, máis frecuentes e intensos no oeste da Comunidade, onde poderán ter ocasionalmente carácter tormentoso. As temperaturas non experimentarán cambios significativos. O vento soprará do suroeste, forte pola mañá, baixando a moderado pola tarde, aumentando a forte no litoral atlántico pola noite, tal e como comenta MeteoGalicia.
