As comarcas terán hoxe os ceos nubrados e precipitacións localmente fortes e de carácter tormentoso
IsmaelRS/Xeral
Non se agardan cambios significativos para o xoves, xa que Galicia segue na influencia da profunda borrasca situada ao oeste que nos enviará unha nova fronte activa. Así, os ceos estarán parcialmente cubertos con precipitacións, localmente moi fortes e de carácter tormentoso, que comezarán a rexistrarse no oeste durante a mañá e que a partir do mediodía chegarán a toda Galicia. As temperaturas non experimentarán cambios significativos. Os ventos soprarán fortes de compoñente sur, con refachos puntualmente moi fortes.
Atención para xoves: Chuvias puntualmente moi intensas e acompañadas de aparato eléctrico. Refachos de vento localmente superiores aos 70-80 km/h, tal e como comenta MeteoGalicia.
