As comarcas terán hoxe os ceos descubertos e as temperaturas experimentarán un lixeiro ascenso
IsmaelRS/Xeral
Galicia estará durante este día baixo influencia anticiclónica, con ventos do norte que achegarán humidade á costa norte e noroeste. Deste xeito teremos ceos con poucas nubes en xeral, con néboas no litoral norte e zonas do interior. Pola tarde medrarán nubes de evolución en zonas altas do interior, que mesmo poderían dar lugar a algún amago treboento. As temperaturas mínimas non terán cambios, mentres que as máximas experimentarán un moderado ascenso, agás no terzo norte por mor da entrada de brétemas, tal e como comenta MeteoGalicia.
