As comarcas terán hoxe os ceos con alternancia de nubes e claros con algún chuvasco ocasional
IsmaelRS/Xeral
Hoxe irán entrando as altas presións en forma de cuña sobre Galicia, pero mantense a vaguada en altura. Teremos así ceos con alternancia de nubes e claros con algún chuvasco ao noroeste, illado e ocasional, serán máis activos no interior pola tarde. As temperaturas mínimas descenderon lixeiramente, mentres que as máximas experimentarán lixeiros ascensos no interior. O vento soprará do noroeste frouxo, con intervalos moderados nas Rías Baixas, tal e como comenta MeteoGalicia.
