As comarcas terán hoxe martes os ceos despexados e temperaturas sen cambios significativos

IsmaelRS/Xeral

Hoxe martes, Galicia permanecerá na influencia das altas presións, con vento de compoñente oeste que traerá humidade a toda a franxa costeira. Así, agárdase un día de ceos despexados en xeral, con brétemas en comarcas atlánticas que se irán disipando co avance da mañá e que volverán entrar á noite. As temperaturas mínimas descenderán lixeiramente e as máximas quedarán sen cambios significativos no interior e descenderán entre lixeira e moderadamente no resto. Os ventos soprarán moi frouxos de compoñente oeste, tal e como comenta MeteoGalicia.

Fonte: MeteoGalicia