As comarcas terán hoxe luns os ceos nubrados con precipitacións xeneralizadas
IsmaelRS/Xeral
Hoxe luns, Galicia quedará na influencia das baixas presións co paso dunha fronte activa asociada a unha borrasca situada ao noroeste do territorio. Así, os ceos estarán cubertos, con chuvias xeneralizadas, máis intensas durante a mañá no sur e oeste da Comunidade. A partir do mediodía quedaremos na zona de chuvascos. As temperaturas ascenderán de xeito notable debido á retirada do aire frío de xornadas pasadas. O vento soprará forte do suroeste.
Atención para luns:
Precipitacións persistentes na metade oeste do territorio e na franxa atlántica poderían vir acompañadas de tormenta. Vento forte do suroeste en terra, con refachos moi fortes en zonas altas. Vento moi forte no mar, especialmente entre o Golfo Ártabro e Estaca de Bares, tal e como comenta MeteoGalicia.
