As comarcas terán hoxe luns os ceos con intervalos nubrados e precipitacións xeneralizadas

IsmaelRS/Xeral

Comezaremos a semana coa fronte do día anterior perdendo progresivamente forza, mais con algo de aire frío en capas altas da atmosfera. Deste xeito, agárdanse intervalos nubrados e precipitacións xeneralizadas, localmente persistentes desde o norte de Lugo e A Coruña ata o sur de Pontevedra durante a mañá, que irán remitindo segundo se achegue a noite. As temperaturas mínimas permanecerán sen cambios significativos e as máximas ascenderán de xeito lixeiro ou puntualmente moderado. Os ventos soprarán de compoñente sur, frouxos en xeral, tal e como comenta MeteoGalicia.

Fonte: MeteoGalicia