As comarcas terán hoxe domingo os ceos con intervalos nubrados
IsmaelRS/Xeral
Situación de transición durante o domingo, agardando a chegada dunha nova fronte o luns. Deste xeito, agárdanse ceos con intervalos nubrados, con algún chuvasco ocasional no oeste da provincia da Coruña. As temperaturas mínimas sufrirán un lixeiro descenso mentres que as máximas apenas terán cambios. Os ventos soprarán de compoñente sur, moderados na costa e máis frouxos no interior, tal e como comenta MeteoGalicia.
