As comarcas seguirán hoxe luns con inestabilidade atmosférica e chuvascos localmente treboentos
IsmaelRS/Xeral
Persiste aínda certa inestabilidade atmosférica durante o día de hoxe. Deste xeito, os ceos presentarán intervalos nubrados, con máis nubes pola mañá e posibilidade de chuvias febles no extremo norte. Pola tarde teremos chuvascos localmente treboentos, máis probables no sur de Galicia e zonas altas. As temperaturas continuarán sen cambios, mesmo con lixeiros descensos das máximas no sueste. Os ventos soprarán do nordés, fortes no litoral atlántico e moderados no resto, tal e como comenta MeteoGalicia.
