As comarcas estarán hoxe mércores marcadas pola influencia anticiclónica
IsmaelRS/Xeral
As comarcas quedarán durante hoxe mércores progresivamente baixo influencia anticiclónica. Con esta situación, agárdanse bancos de néboa matinais que darán paso a ceos con máis nubes no extremo norte e pouco nubrados no resto, con nubes altas que non impedirán o paso do sol. As temperaturas mínimas continuarán sen cambios, mentres que as máximas sufrirán un lixeiro ascenso. Os ventos soprarán de compoñente norte, frouxos en xeral, moderados no litoral atlántico, con intervalos fortes pola tarde, tal e como comenta MeteoGalicia.
